Kgosana le Mekete e Halalelang
1 “ 2 Kgosana e busang e tla kena ka lethule le kantle la kgoro eo, ebe e ema pela ditshiya tsa kgoro. Baprista ba tla e etsetsa nyehelo ya setjheso, le nyehelo ya teboho. Kgosana e tla kgumama lethuleng la kgoro, e nto tswa, empa kgoro ha e ka ke ya kwalwa ho fihlela mantsiboya. 3 Ka mokgwa o jwalo, ka Disabatha le ha kgwedi e thwasitse, setjhaba se tla kgumamela Morena se le monyako wa kgoro. 4 “ 5 Bakeng sa pheleu ka nngwe eo ho nyehelwang ka yona, kgosana e tla etsa nyehelo ya dijo tse etsang boima ba dikilo tse leshome le metso e tsheletseng; bakeng sa konyana ka nngwe eo ho nyehelwang ka yona kgosana e tla etsa nyehelo ya dijo kamoo e ka ratang kateng, e be e etse le nyehelo ya dilethara tse tharo tsa ole ya mohlwaare bakeng sa nyehelo ka nngwe ya dijo. 6 Mohla kgwedi e thwasitseng, kgosana e tla nyehela ka pohwana e se nang sepha, le ka dikonyana tse tsheletseng, tse se nang sepha, le ka pheleu e se nang sepha. 7 Bakeng sa pohwana eo ho nyehelwang ka yona, kgosana e tla etsa nyehelo ya dijo tse etsang boima ba dikilo tse leshome le metso e tsheletseng, le bakeng sa pheleu eo ho nyehelwang ka yona e etse nyehelo e kaalo. Bakeng sa dikonyana tseo ho nyehelwang ka tsona e tla etsa nyehelo ya dijo kamoo e ka ratang kateng, e be e etse le nyehelo ya dilethara tse tharo tsa ole ya mohlwaare bakeng sa nyehelo ka nngwe ya dijo. 8 Ha kgosana e kena, e tla kena ka lethule la kgoro, mme ha e etswa, e tswe ka lona lethule leo. 9 “ 10 Ha setjhaba se kena, kgosana le yona e tla kena, ha se etswa, le yona e tswe. 11 “ 12 Ha kgosana e etsetsa Morena nyehelo ya boithaopo, e ka ba nyehelo ya setjheso kapa nyehelo ya teboho, kgosana e tla bulelwa kgoro e ka botjhabela, ebe e etsa nyehelo ya setjheso le nyehelo ya yona ya teboho jwalokaha e etsa ka letsatsi la Sabatha. Ha e qetile e tla tswa, ebe kgoro e a kwalwa. 13 “ 14 Hoseng ho hong le ho hong o tla etsa nyehelo ya dijo tse etsang boima ba dikeramo tse pedi, le ya lethara ya ole e tla duba phofo e thumisehileng ya nyehelo. Nyehelo ena ya dijo e etsetswang Morena, ke taelo ya kamehla yohle. 15 Ka mokgwa o jwalo hoseng ho hong le ho hong ho tla etswa nyehelo ya konyana, le ya dijo, le ya ole, e le nyehelo ya setjheso ya kamehla yohle. 16 “ 17 Empa haeba kgosana e efa e mong wa bahlanka ba yona mpho e tswang lefeng la yona, mpho eo e tla ba ya mohlanka eo ho fihlela mohla selemo sa tokoloho. Kamorao ho moo mpho eo e tla kgutlela ho kgosana, hobane lefa la yona le jewa ke bara ba yona feela. 18 Kgosana ha e a lokela ho nka letho lefeng la setjhaba ka ho se hatella. E tla abela bara ba yona lefa leo e leng la yona, e le hore ho se be motho wa setjhaba sa ka ya ka falatswang.> ” 19 Jwale monna eo a nntsha ka monyako o lehlakoreng la kgoro, a nkisa dikamoreng tse halalelang, tse tadimileng leboya, e leng tsa baprista, mme a mpontsha sebaka se ka bophirimela. 20 Yaba o re ho nna: “Sebaka sena ke seo ho sona baprista ba tla phehela nyehelo ya tefelo ya sebe, le nyehelo e tlosang molato. Ke moo ba tla phehela le nyehelo ya dijo teng, e le hore ba se ke ba di ntshetsa lebaleng le kantle, esere ba halaletsa setjhaba.” 21 A nkisa lebaleng le kantle, a mpotisa le dihuku tse nne tsa lona, mme hukung e nngwe le e nngwe ka bona lebala. 22 Dihukung tse nne tsa lebala ka leng ho ne ho ena le mabala a mang a manyenyane. Lebala ka leng le ne le etsa bolelele ba dimethara tse mashome a mabedi, le bophara ba dimethara tse leshome le metso e mehlano, mme bone ba wona a ne a lekana. 23 Lebala le leng le le leng la mabala ana a mane le ne le potapotilwe ke lerako la majwe, le nang le maifo a haheletsweng ho lona. 24 Monna eo a re ho nna: “Ena ke mekgoro eo ba sebeletsang ka Tempeleng ba tla phehela mahlabelo a setjheso a setjhaba ka ho yona.”Nyehelo ya letsatsi ka leng
Kgosana le naha
Mekgoro ya Tempele